by Queenexx

Simba Mwanadamu ni_hadithi ya kumsisimua, kumchekesha na kumburudisha msomaji. Ni hadithi inayodhihirisha ukweli wa methali kuwa njia ya mwongo ni fupi. Aidha, hadithi hii inatoa funzo kwa msomaji kuwa hila zina mwisho wake ambao si mzuri. Hadithi hii ni mojawapo ya hadithi katika mkusanyiko wa hadithi zenye uwezo wa kumgandisha msomaji kwenye kiti akisoma tena na tena.

by Rocha M.Chimerah

Ni nani aliyetenda kitendo hiki kilichobakia kuwa siri ya kughasi, siri iliyo sirini? Ni Kidhabi au ni Kijumwa? Hiki ni kitendo kipi ambacho kimebaki kuwa siri iliyofichika, isiyojulikana na wazee wa mji wala vijana wa kijiji, viongozi au waongozwa? Ni kitendo gani hiki ambacho kinaumiza vichwa vya wafalme na vitwana, maimamu na maimuma, hadi mfalme anapatwa na kizunguzungu kwa kupiga mbizi kilindini? Na si yeye tu, bali lukuki ya watu! Kero inapozidi kero na siri inapozidi kusaki sirini, mfalme anariaria na kuendelea kupiga mbizi… ‘Mfalme alishtuka. Mfalme alihangaika, mfalme alibabaika. Alipiga mbizi katika marefu na mapana ya akili yake… Ni nani aliyefanya kitendo hiki? Kwa ajili gani? Alikifanya yeye peke yake au kwa ushirika na wengine?